غربة

ياغربة ..

يانار في فؤادي كيف يطفيها الصبر؟

مسكين ..

من مثلي على نارك تقلب وأنصر

لاالصبر يتحمل

ولا الآهات ولا كثر السهر

الله يقويني

على الغربة ويعطيني الصبر

ياغربة ..

كم للعين ما شافت حبيبي من بعيد؟

الشوق

يتوهح بأحشائي ويوم عن يوم يزيد

لا جاتني منكم رسالة

أو وصل منكم بريد

ما عاد لي قوة ..

على الترحال وهموم السفر

ياغربة ..

قولي للحبايب ما نسينا عهدم

ولا نسينا ..

من ليالي العمر سمرة عندهم

قولي لهم ..

ولهان يدعو الله يجمع شملهم

ما عاد له

في البعد لولاكم سلى أو مستقر

ياغربة..

زاد الشوق بي حنيت للماضي الدفين

حنيت للشطأن .. للغدران ..

ذوبني الحنين

عانيت في الغربة

تباريح التجافي والسنين

ودمعي على الخدين يجري ..

مثل جري السيل.. لا هل المطر

*******